Þorsteinn Ragnarsson

Þessi stelpa á afmæli í dag
Til hamingju daginn Edda mín
Við söknum þín.

Við höfum verið að undirbúa jólin síðustu daga hér í Hrísateignum. Ragna er búin að baka smákökur og við búin að snurfusa svona aðeins í kringum okkur. Við máluðum tvö herbergi og lögðum parket á þau, (að sjálfsögðu er smá frágangur eftir. Þannig er það bara).
Svo fórum við hjónakornin upp í skógrækt hérna ofan við Hrísateiginn og tókum okkur jólatré. Okkur þótti heldur þunnt að hafa engan strák til að hjálpa okkur við þetta. Strákpjakkurinn sem hefur hjálpað okkur við þetta undanfarin ár er nefnilega svo langt í burtu núna. En við kláruðum okkur á þessu og nú er hríslan komin inn í stofu og búið að skreyta.

 

Úti er svo búið að koma fyrir nokkrum ljósaseríum jólasveinn er að klifra ofan af bílskúrnum. (eða upp á hann, eftir því hvernig á það er litið).
En alltaf kemur upp í hugann hjá okkur við flest sem við tökum okkur fyrir hendur að ósköp væri nú gott að hafa einhvern ömmu/afa-strák til að hjálpa sér við jólaundirbúninginn. Og að hjálpa til að láta renna í pottinn og svoleiðis.
 En .

Annars er allt að verða klárt og jólin koma áreiðanlega þó að strákarnir okkar séu annars staðar. Annar í Ameríku og hinn í Noregi.

Hó hó
Í tilefni af því að nú eru jól að nálgast þá setti ég inn nokkrar jólalegar myndir inn í albúm hér á síðunni. Aðeins til að koma sér í jólafíling. Ekki veitir af að reyna að slá aðeins á þetta takmarkalausa svartnættisraus sem hellt er yfir þjóðina.